Audi A1Доследно ефикасен

Со помош на интелигентен систем за регулирање на напонот, системот за рекуперација ја рециклира енергијата за генераторот во фазите на сопирање и возење. Таа енергија се складира во акумулаторот, при наредните забрзувања таа се враќа во електричниот систем на возилото и ја намалува оптовареноста на генераторот.

Start-Stop системот го става моторот во мирување ако рачката на менувачот стои во неутрален степен и стопалото на возачот веќе не е поставено на педалот за куплунг. При притиснување на педлаот за куплунг, системот повторно го стартува моторот – тивко, комфорно и брзо. Start-Stop системот работи совршено и со менувачот S tronic со седум степени.

Менувачот со двојна спојка на Audi ги спојува комфорноста на автоматскиот механизам за менување степени и динамиката и ефикасноста на рачниот менувач. Тој ги менува степените во рок од неколку стотинки без забележливо прекинување на влечната сила, глатко и комфорно. Менувачот S tronic, кој што тежи само 70 килограми, придонесува во намалувањето на тежината. Двата куплунзи работат суви - непостоењето на масло го зголемува и онака големиот степен на дејствување на менувачот. Снабдувањето со енергија на епектрохидрауличниот придвижувач се врши по потреба.

Борд компјутерот со програма за ефикасност е поврзан со системот за информирање на возачот. Тој ги покажува податоците релевантни за потрошувачката и дава препораки за ефикасно возење. Зголемен приказ на индикаторот му сигнализира на возачот кога треба да смени возен степен. Друга функција дава информација за тоа, кои потрошувачи во возилото, како на пр. клима уредот или загревањето на задното стакло, се активни и колкава е нивната потрошувачка.